نصائح للمسافرين- الملاريا
نصائح عامّة:
- أرقدو تحت ناموسية، مالمستحب يكون فيها مبيدات حشرية.
- إستعملوا ناموسية فيها مبيد حشري في الكرّوسة و عسّوا عصالغير بش ما يحطهاش في فمّو.
- إلبسوا حوايج خفاف، ألوان فاتحة، مفخفخة و مستورة (يدين طويلة، سروال و صباط مسكر).
- لا ينصح بش تحط مبيدات حشرية في الحوايج
- نقصوا مالخروج في الليل.
- ما لازمش تشربو تيزانة و حرابش فيها الشيح بش تحميو رواحكم مالمالاريا. حتى لتوا مافماش شي يثبت إلي هي تحمي .
- كان فمّا سخانة في السفر و إلا في 3 أشهر ملّي رجعت، لازمك تشوف طبيبك و إلاّ تمشي للسبيطار في وقتها و تقول عالبلدان إلي مشيتلها.
في ما يخص إستعمال بوماضات بش تبعّد النانوس إلى يتحط على اللحم (الجلد)
- .كان عندك شك ، إسأل الصيدلي تو يقلّك. أستعملو الحاجات إلّي عندها فعالية و ما تضرّش
- للصغار و النسا الحبالى، خوذو المنتجات الباهية ليكم (إسأل الصيدلي تو يعاونك).
- أعملو كريمة تبعد الناموس على جلدكم العريان موش على جلكم المغطّي بالحوايج(كان البلاصة إلى وين الكعبين حتى كان لابس كلاصط
- ما تحطّش البوماضة على جلد مهرّي و لاّ مجروح.
- ما تحطّش البوماضة بحذا عينيك و لا فمّك.
- ما ترشّش البخاخات على وجهك، رشّ قبل على يديك و مبعّد وجهك.
- كان إنت تحط واقي الشمس، حطّ واقي الشمس قبل واستنى 20 دقيقة على القليلة قبل ما تحطّ طارد الجلد.
- بعد العومة، عاود حطّ البوماضة برشا مرّات أمّا .ما تفوتش عدد المرّات الي عندك الحق بش تعملهم في النهار
- ما تحطش البوماضة طول على جلدة الصغار،حطّها ملوّل على يدين عبد كبير و مبعّد على جلدة الطفل.
- ما تحطّش البوماضة على يدين و وجوه الصغار.
- ما تحطّش البوماضة على يدين ولا صدر المرأة إلي ترضّع.
- رشّ الفشفاشة إلى تبعد الناموس في البيوت المهوية و لاّ البرّا.
